Azərbaycan Futbol Federasiyaları Assosiasiyasının (AFFA) dəstəyi ilə 2016-2017-ci il mövsümündə “Məktəblərdə futbol dərsi” layihəsində iştirak edən məktəb şagirdləri üçün (2005, 2006 və 3 nəfər 2004-cü il təvəllüdlü) U-11 Qızlar liqası təşkil olunub.
AFFA-dan Gununsesi.info-ya verilən məlumata görə, 12 komadanın iştirak etdiyi liqa dairəvi sistem üzrə keçirilib.
Belə ki, mayın 10-da liqanın qalibləri 141 saylı orta məktəbin akt zalında mükafatlandırılıb. İştirakçılara liqa barədə ətraflı məlumat verilib, videoçarx nümayiş etdirilib.
I yer – Rəvan FK (141 saylı orta məktəbin komandası)
II yer – Zığ FK (201 saylı orta məktəb komandası)
III yer – Gömrükçü FK (236 saylı orta məktəbin komandası)
Qeyd edək ki, yarışın ən yaxşı oyunçusu adına “Fidan FK”dan Zəhra Piriyeva, ən məhsuldar oyunçu adına isə 19 qolla “Rəvan FK”dan Safura Xəlilova layiq görülüblər.
Anar
Gununsesi.info
