Banqladeşin qaçaq baş naziri Şeyx Hasinanın uzun müddətdir siyasi rəqibi olan Nobel Sülh Mükafatı laureatı Məhəmməd Yunus genişmiqyaslı etirazlar fonunda ölkənin müvəqqəti hökumətinə rəhbərlik edəcək.
Gununsesi.info xəbər verir ki, bu barədə BBC məlumat yayıb.
Bildirilib ki, 84 yaşlı Yunus Hasina istefa verib qaçdıqdan bir gün sonra müvəqqəti rəis təyin edilib.
Bu qərar prezident Məhəmməd Şahabuddin ilə hərbi liderlər və tələbə etirazlarının liderləri arasında keçirilən görüşdə qəbul edilib.
Yunusun namizədliyini irəli sürməkdə israr edənlər məhz tələbələr olub.
Məhəmməd Yunus iqtisadiyyat professoru və iqtisadi və sosial inkişaf yaratmaq səylərinə görə 2006-cı il Nobel Sülh Mükafatı laureatıdır.
2024-cü ilin əvvəlində Dəkkə məhkəməsi Yunusu əmək qanunlarını pozmaqda təqsirli bilib və ona 6 ay həbs cəzası verib. Yunus ittihamları siyasi motivli adlandırıb.
Banqladeşdə etirazlar 2024-cü ilin iyulunda universitet tələbələrinin dövlət işlərində kvotalara son qoyulmasını tələb etmələri ilə başladı, lakin sonra daha geniş hökumət əleyhinə hərəkata çevrildi.
BBC-nin məlumatına görə, hökumət qüvvələri ilə etirazçılar arasında toqquşmalar 400-dən çox insanın ölümü ilə nəticələnib, əksəriyyəti mülki şəxslər polis tərəfindən güllələnib.
Təkcə iyulun 5-də ölkə daxilində 100-dən çox insan həlak olub və bu, etirazlar başlayandan bəri ən ölümcül gün olub. Yüzlərlə polis məntəqəsi də yandırılıb.
Banqladeşin baş naziri Şeyx Hasina davam edən etirazlar fonunda istefa verib və ölkəni tərk edib.
Şəbnəm
Gununsesi.info
