ABŞ-ın keçmiş prezidenti Donald Trampın qızı İvanka Tramp Nyu-Yorkda davam edən məhkəmə iclasında ailə şirkətlərinin “illər boyu daşınmaz əmlak sənayesində bir çox insan və qurumları aldatdığı” ittihamı ilə ifadə verib.
Gununsesi.info xəbər verir ki, İvanka Tramp Manhettendə ştatın Ali Məhkəməsinin binasına “Cinayət ailəsi” şüarları səsləndirən bir qrup etirazçının müşayiəti ilə gəlib.
İttihamçı vəkil Lou Solomon məhkəmədə şahid kürsüsündə olan İvanka Trampa atasının şirkətlərindəki ümumi rolu, daşınmaz əmlak aktivlərinin inkişafı və maliyyə təminatı ilə bağlı suallar verib.
İvanka Tramp atasının daşınmaz əmlak sektorundakı maliyyə əməliyyatları və banklardan aldığı kreditlərlə bağlı “Maliyyə hesabatları ilə bağlı heç bir müzakirəni xüsusi xatırlamıram” deyib.
Prokurorluq vəkillərindən sonra Trampın müdafiəçisi İsa Suares tərəfindən sorğu-sual edilən İvanka Tramp atasına qarşı irəli sürülən ittihamları rədd edərək, iddiaların əksinə olaraq, bankların hər zaman Tramp şirkətləri ilə işləməyə hazır olduğunu müdafiə edib.
İvanka Tramp noyabrın 6-da atası Tramp hakim qarşısına çıxdıqdan sonra Tramp ailəsindən ifadə verən dördüncü şəxs olub.
Trampın uşaqları Donald Tramp və Erik Tramp da keçən həftə eyni iş üzrə ifadə verib.
Oktyabrın 2-də başlayan və dekabrın ortalarına qədər davam etməsi gözlənilən məhkəmə prosesinin nəticəsi olaraq, işə sədrlik edən hakim Artur Enqoron Tramp şirkətlərini nə qədər cərimələyəcəkləri və onların lisenziyasının olub-olmaması kimi məsələlərə qərar verəcək. Nyu-York əyalətindəki biznes ləğv ediləcək.
İş cinayət deyil, mülki dələduzluq işi olduğu üçün məhkəmə nəticəsində kiminsə həbs cəzası alacağı gözlənilmir.
Əvvəllər ona qarşı “seksual qısnama” və “vergi fırıldaqçılığı” ittihamları ilə açılan işlərin bir çox dinləmələrində iştirak etməyən keçmiş ABŞ prezidenti Tramp ifadə vermək məcburiyyətində olmasa da, dəfələrlə bu işin dinləmələrində iştirak edib, “sürpriz proses” kimi medianın sıx marağına səbəb olub.
Nyu-Yorkun baş prokuroru Letitia Ceyms Trampın, üç övladının və şirkətinin sərvətinin 3,6 milyard dollar həddən artıq şişirdildiyini iddia edən ittihamnamədə hakimdən Tramp və övladlarının bir daha Nyu-Yorkda şirkət qurmamasını, 5 il müddətinə kommersiya daşınmaz əmlakının alınmasına qadağa qoyulmasını və 250 milyon dollar cərimə olunmasını tələb edir.
“İllər boyu daşınmaz əmlak sənayesində bir çox insanı və qurumu aldatdığı” ittihamı ilə açılan işdə hakim Artur Engöron keçmiş prezident və onun şirkəti olan “Tramp Organisation”ın bankları, sığortaçıları və iş adamlarını aldatdığına, müqavilələrdə və maliyyə sənədlərində onların əmlakını həddən artıq qiymətləndirərək, onların xalis dəyərini şişirdərək məhkəmədə dinlənilməsinə qərar verib.
Enqoron 35 səhifəlik qərarında Tramp və onun şirkəti və menecerlərinin illik maliyyə vəziyyətləri barədə daim yalan danışaraq sərfəli şərtlərlə və aşağı sığorta haqları ilə kreditlər əldə etdiklərini bildirib.
Trampın vəkilləri də Engoronun Tramp və digər müttəhimlərin fırıldaqçılıqda məsuliyyət daşıdığına dair qərarı ilə bağlı Nyu-York apellyasiya məhkəməsinə müraciət ediblər.
Gununsesi.info
