Məmmədyarovun Nalbandyanla növbəti görüşü Nyu Yorkda keçiriləcək

  • By admin
  • 12 İyul 2017 09:12

elmar_mammadyarov_nalbandyan_051213

Brüsseldə Azərbaycan və Ermənistan XİN rəhbərləri – Elmar Məmmədyarov və Edvard Nalbandyan arasında ATƏT Minsk qrupu həmsədrləri və təşkilatın fəaliyyətdə olan sədrinin şəxsi nümayəndəsi Anjey Kasprşikin təşəbbüsü və iştirakı ilə növbəti görüş keçirilib.

Gununsesi.info-nun xəbərinə görə, bu barədə Ermənistan XİN-in yaydığı məlumatda bildirilir. Məlumata görə, görüş zamanı Dağlıq Qarabağ münaqişəsinin həllinə dair danışıqlar prosesinin irəliləməsi yolları müzakirə olunub.

Həmsədrlər nazirlərdən prezidentlərin cari ildə görüşünün keçirilməsinə dair təklifini ölkə başçılarına çatdırmağı xahiş ediblər.

Görüşdə Azərbaycan və Ermənistan XİN rəhbərlərinin növbəti görüşünün bu ilin sentyabrında Nyu Yorkda BMT Baş Assambleyası çərçivəsində  keçirilməsinə dair razılıq əldə olunub.

Gununsesi.info