Mərmərə dənizində batan “Batuhan A” adlı quru yük gəmisinin son görüntüləri ortaya çıxıb.
Gununsesi.info xəbər verir ki, görüntülərdə gəmi kapitanının başqa bir gəmi ilə salamlaşdığı görülüb.
Balıkəsirdə Mərmərə adasından Bursanın Gemlik mahalına yük daşıyan zaman yerli vaxtla saat 06.32-də təcili siqnal verən və saat 07.12-də siqnalı kəsilən 69 metrlik “Batuhan A” yük gəmisi batıb.
Batan gəmidəki 6 nəfərlik heyət üçün xilasetmə işləri davam edir.
Hadisədən sonra bölgəyə sahil təhlükəsizlik qayıqları və xilasetmə qrupları göndərilib. Əlverişsiz hava şəraiti səbəbindən helikopterlərin havaya qalxa bilmədiyi öyrənilib.
Gununsesi.info
