Kanadanın Kvebek-siti şəhərində məscidə törədilən terror aktı nəticəsində ölənlərin sayı 6 nəfərə çatıb.
Gununsesi.info “reuters”-ə istinadən xəbər verir ki, yanvarın 29-da üç silahlı axşam 20.00-da ibadət zamanı məscidə hücum edərək atəş açıblar. Həmən zaman məsciddə 40-a yaxın adamın olub. Hücum edənlər “Allahu əkbər!” sədaları altında məsciddəkiləri atəşə tutublar.
Atışma məscidin birinci mərtəbəsində baş verib, onlar daha sonra ikinci mərtəbəyə də qalxa biliblər. Yaralılar xəstəxanaya yerləşdirilib.
Kanadanın baş naziri Castin Trüdo isə məsciddə baş verən terror aktını pisləyərək həlak olanların yaxınlarına başsağlığı verib. Kvebek vilayətinin baş naziri F. Kuyar isə vilayət qanunvericilik orqanından vilayət bayrağının endirilməsi ilə bağlı müraciət edib.
Artıq hüquq-mühafizə orqanlarının məscidə hücum edən 3 nəfərdən 2 şübhəli şəxsinin saxlandığı bildirlir.
Qeyd edək ki, 2016-cı ilin Ramazan ayında eyni məscidin qapısına donuz başı atılmışdı.
Gununsesi.info
