Məşhur ogru Viktoriya Kotlyar apellyasiya şikayəti verib

  • By admin
  • 15 Oktyabr 2016 10:36

1423748609_mehkeme-2

Ticarət mərkəzindən oğurluq etməkdə təqsirləndirilən Viktoriya Kotlyar barəsində olan hökmdən apellyasiya şikayəti verib.

HTML tutorial

Gununsesi.info-nun xəbərinə görə,  Bakı Apellyasiya Məhkəməsində keçiriləcək məhkəmə prosesi oktyabrın 18-nə təyin edilib. Prosesə hakim Qail Məmmədovun sədrlik edəcək.

Qeyd edək ki, polis əməkdaşlarının keçirdikləri əməliyyat tədbirləri nəticəsində ötən il iyunun 4-də Q.Qarayev prospektində yerləşən mağazada Bakı şəhər sakinləri – Səbinə Bəşirovanın, Tükəzban Yusubovanın mobil telefonlarını və Ruqaya Kazımovanın içərisində pul, iki ədəd mobil telefon olan əl çantasını oğurlamaqda şübhəli bilinən Bakı şəhər sakini, əvvəllər məhkum olunmuş 1985-ci il təvəllüdlü Viktoriya Kotlyar yaxalanıb.

Araşdırma zamanı onun törətdiyi digər cinayətlərin də üstü açılıb. Belə ki, Viktoriya Kotlyar aprelin 7-də B.Nuriyev küçəsində yerləşən ticarət mərkəzində Rəfael Babayevin pencəyinin cibindən 1300 manat, sentyabrın 14-də Q.Qarayev prospektində yerləşən ticarət mərkəzində Atifa Finuninin əl çantasından içərisində 480 manat, metro kartı olan pul kisəsini, sentyabrın 14-də Pərvanə Əmirovanın, sentyabrın 22-də Gülşən Həşimovanın əl çantasından pul və sənədləri oğurlayıb.

O, Cinayət Məcəlləsinin 177-ci (oğurluq) maddəsi ilə ittiham olunub.

Bakı Ağır Cinayətlər Məhkəməsinin hökmü ilə V. Kotlyar 9 il azadlıqdan məhrum edilib. Hökmdən narazı qalan məhkum apellyasiya şikayəti ilə Bakı Apellyasiya Məhkəməsinə müraciət edib.

Gülnaz Qənbərli

Gununsesi.info