IV İslam Həmrəyliyi Oyunlarında boks yarışları davam edir.
Boks Federasiyasından “Qafqazinfo”ya verilən məlumata görə, 52 kq çəki dərəcəsində çıxış edən Azərbaycan millisinin üzvü Məsud Yusifzadə 1/4 final mərhələsində Abrorjon Kodırovla (Özbəkistan) üz-üzə gəlib.
İlk qarşılaşmasında türkiyəli Ömər Koça qalib gələn boksçumuz bu dəfə eyni uğuru təkrarlaya bilməyib. O, 1:4 hesabı ilə məğlub olaraq, mübarizəni dayandırıb.
Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.
Gununsesi.info
