“Mən artıq 13 ildir ki, Ukraynanın siyasi həyatında iştirak edirəm. Mənim bir ölkənin vətəndaşıyam, o da Ukraynadır. Ukrayna hökuməti məni vətəndaşlıqdan məhrum edə bilməyəcək”.
Gununsesi.info-nun APA-ya istinadən xəbərinə görə, bu barədə Gürcüstanın eks-prezidenti, Ukraynanın Odessa vilayətinin sabiq başçısı Mixail Saakaşvili özünün “Feysbuk” səhifəsində yazıb.
“Hazırda ölkədə olmadığımdan istifadə edərək, məni qaçqın statusu almağa vadar etmək istəyirlər. Bu olmayacaq! Mən haradasa qalmaq və heç bir status almaq fikrində deyiləm”-deyə, Saakaşvili qeyd edib.
O, qanunda nəzərdə tutulan imkanlardan istifadə edərək ölkəyə geri dönəcəyini deyib:
“Prezident Poroşenko qərarı xəlvətcə, mən ABŞ-da olarkən qəbul edib. Mən Radada oturan deputatlardan daha çox ukraynalıyam. Mən bu ölkəni səmimi qəlbdən sevirəm və mübarizəmi davam etdirəcəm”.
Qeyd edək ki, ötən gün Ukrayna prezidenti Petro Poroşenko M. Saakaşvilinin vətəndaşlıqdan məhrum edilməsi ilə bağlı fərman imzalayıb. Müvafiq qərar “Vətəndaşlıq haqqında” qanunun əsasında qəbul olunub.
Gununsesi.info
