Manatın ucuzlaşamsının qarşısını almaq üçün daxili və xarici borclarla bağlı vəsaitlərin valyuta bazarına daxil olmasını məhdudlaşdırmaq lazımdır.
Gununsesi.info xəbər verir ki, bunu Milli Məclisin plenar iclasında 2017-ci il üçün dövlət büdcə zərfinin müzakirəsi zamanı Azərbaycan Mərkəzi Bankının (AMB) İdarə Heyətinin sədri Elman Rüstəmov deyib.
Onun sözlərinə görə, indi qarşıda duran əsas problemlərdən biri borclar və investisiya probleminin bazardan kənarda həll edilməsinə nail olmaqdan ibarətdir:
“Bu istiqamətdə bizim təkliflərimiz var. Bu məsələ baş nazirin yanında müzakirə olunub. Biz düşünürük ki, keçid dövründə manevr etməklə həm daxili, həm də xarici borclara görə vəsaitlərin valyuta bazarına daxil olmasını məhdudlaşdırmaq lazımdır. Çünki belə olan şəraitdə manatın məzənnəsinə əlavə təzyiq yaranır və manatın ucuzlaşmasına səbəb olur. Manatın ucuzlaşmasının isə sosial-iqtisadi nəticələrini yaxşı bilirik”.
Mürtəza
Gununsesi.info
