Avropa İttifaqı (Aİ) ölkələri Macarıstanın veto qoyması səbəbindən Venesuelada keçirilən son prezident seçkilərinin nəticələri ilə bağlı narahatlığını ifadə edən birgə bəyanat yaymaq mümkün olmayıb.
Gununsesi.info xəbər verir ki, bu barədə “Politico” məlumat yayıb.
Nəşrin həmsöhbətlərinin sözlərinə görə, Aİ ölkələri Venesuelada keçirilən prezident seçkiləri zamanı “nöqsanlar və qanun pozuntuları” ilə bağlı narahatlıqlarını ifadə etmək niyyətindədirlər.
Bildirilir ki, Aİ liderləri də “daha çox şəffaflığa” çağırmağı planlaşdırırdılar, lakin Macarıstan rəhbərliyi belə bir bəyanata qarşı çıxdı və ona veto qoydu.
Nəticədə, yalnız “Eurodiplomacy”nin rəhbəri Xosep Borrell öz adından X sosial şəbəkəsində bəyanat yayaraq, seçki məntəqələrində səsvermə protokollarına daxil olmağa çağırıb.
Qeyd edək ki, Venesuelada kütləvi etirazlar iyulun 28-də keçirilən prezident seçkilərinin nəticələrinin açıqlanmasından sonra başlayıb.
Respublikanın ən yüksək siyasi postu uğrunda 10 nəfər mübarizə aparıb, Nikolas Maduro və sağ partiyaların namizədi Edmundo Qonzales əsas namizədlər hesab edilib.
Nəticədə hazırkı prezident qalib gəlsə də, lakin müxalifət səsvermənin nəticələrini tanımaqdan imtina etdi.
Üstəlik, müxalifət lideri Mariya Korina Maçado ölkə ordusunu hazırkı hakimiyyəti devirməyə çağırıb.
Şəbnəm
Gununsesi.info
