Fransa prezidenti Emmanuel Makron bildirib ki, Moskva administrasiyası Ukrayna-Rusiya müharibəsində qalib gəlsə, bu, Avropanın təhlükəsizliyinin sonu demək olacaq.
Gununsesi.info xəbər verir ki, Makron ölkənin Kanal əyalətindəki Çerburq-en-Kotentindəki Hərbi Dəniz Bazasında əsgərlərlə görüşüb.
“Biz Rusiyaya qarşı müharibə aparmırıq, lakin bizim vəzifəmiz (Rusiyanın) qələbəsini qeyri-mümkün etməkdir”, – deyə Makron çıxışında deyib.
Ukrayna-Rusiya müharibəsi ilə bağlı Makron “Rusiyanın qələbəsi ilə Avropanın təhlükəsizliyi başa çatar” deyib.
Yaxın Şərqdəki vəziyyətə toxunan Makron Fransanın Qırmızı dənizdə naviqasiya azadlığını müdafiə etdiyini və ölkəsinin bölgədəki mövcudluğunun “effektiv” olduğunu dəyərləndirib.
Makron Qəzzada yaralıların müalicəsi üçün xəstəxana xidməti göstərmək üçün nəzərdə tutulmuş Fransanın Dixmude helikopter gəmisində 1000-dən çox fələstinlinin qonaq edildiyini və 120-dən çox ağır yaralının müalicə olunduğunu açıqlayıb.
Fransa prezidenti Makron ordunun büdcəsinin 2017-ci ildən bəri iki dəfə artdığını bəyan edib.
Makronun çıxışı zamanı onun arxasında dayanan qadının halı pisləşib. Qadına tibbi yardım edilərkən Makron çıxışına qısa fasilə verib.
Makron çıxış edərkən onun arxasında jandarmların da olduğu bir qrup şəxs dayanıb.
Gununsesi.info
