Fransada sağ və sol partiyaların müxalifət deputatları hökumətin təklif etdiyi immiqrasiya qanun layihəsini müzakirəsiz rədd ediblər. Müxalifət hökumətin təqdim etdiyi qanun layihəsinin Milli Assambleya müzakirəyə çıxarılmaması ilə bağlı vəsatəti qəbul edib.
Gununsesi.info xəbər verir ki, sözügedən addım məsələni ən mühüm gündəmlərindən biri olaraq təyin edən, lakin qanun layihəsini səs çoxluğu olmadan qəbul etməyə çalışan prezident Emmanuel Makron hökumətinə “ağır siyasi zərbə” olaraq xarakterizə edilib.
Qeyd edək ki, Makron hökumətinin parlamentdə səs çoxluğu yoxdur.
Bütün müxalifət qruplarının üzvləri, sol və sağ, Milli Assambleyada hər hansı müzakirədən əvvəl qanun layihəsinin rədd edilməsi təklifinə səs verdilər.
Təklif 265 əleyhinə 270 səslə qəbul edilib.
Təklifin növbəti macərasının nə olacağı hələ də bəlli deyil.
Siyasi analitiklərin fikrincə, hökumət qanun layihəsini geri götürə və ya səsverməyə və ya konsensus üçün hazırkı formada Senata göndərə bilər.
Milli televiziya kanalı TF1-ə danışan daxili işlər naziri, qanun layihəsinin müəllifi Gerald Darmanin qanun layihəsini geri götürməyəcəklərini vurğulayıb.
Növbəti proseslə bağlı qərarın tezliklə hökumət tərəfindən veriləcəyini bildirən Darmanin səsvermədən sonra istefa verməyi təklif etdiyini, lakin Makronun qəbul etmədiyini bildirib.
İmmiqrasiya qanun layihəsi, Fransanın qapılarını iqtisadiyyata töhfə verə biləcək xarici işçilər üçün açıq saxlayaraq, Makronun qanun və qayda məsələlərində daha sərt ola biləcəyini göstərmək səylərinin əsas hissəsi kimi təsvir edilib.
Eyni şəkildə, hökumət qanun layihəsini əcnəbi cinayətkarların deportasiyasını asanlaşdırmaq üçün zəruri tənzimləmə kimi təqdim edib.
Qanun layihəsinin bir müddəası oktyabr ayında bir fransız müəllimini öldürən rus əsilli kişinin işi kimi 13 yaşından əvvəl gələn immiqrantların deportasiyasına qoyulan qadağanı da qaldırır.
