Mariya Zaxarova: “Moskva “Dağlıq Qarabağın” nizamlanması üçün yeni format fikirləşmir”

  • By admin
  • 23 İyun 2016 17:37

 

zaxarova

HTML tutorial

 

Rusiya Xarici İşlər Nazirliyi Azərbaycan, Ermənistan və Rusiya prezidentlərinin Sankt-Peterburqda keçirdiyi görüşün yekunlarına münasibət bildirib.
Gununsesi.info  “Ria Novosti” yə istinadən xəbər verir ki, nazirliyin mətbuat katibi Mariya Zaxarova bildirib ki, rəsmi Moskva Qarabağın nizamlanması üçün yeni format fikirləşmir:

“Prezidentlərin son görüşü Rusiyanın guya danışıqların yeni formatını fikirləşməsi, ATƏT-in Minsk qrupunun üzvlərini kənarlaşdıraraq hər şeyi öz əlinə alması ilə bağlı narahatlığın əsassız olduğunu göstərdi. ATƏT-in Minsk qrupunun həmsədrlərini kənarlaşdıraraq Dağlıq Qarabağ münaqişəsi məsələsində Rusiyanın hər şeyi özündə kilidləməsinə dair narahatçılıq əsassız şayiədir.

Həmsədr ölkələrin nümayəndələri ilə sıx əlaqə saxlanılır. Onlar prezidentlərinin Sankt-Peterburqdakı görüşü barədə məlumatlandırılmışdı. Bu proses görüşdən xeyli əvvəl həyata keçirilmişdi. Tərəflər də açıq şəkildə belə görüşlərin keçirilməsinin tərəfdarı olduqlarını qeyd etdilər”.

M. Zaxarova tərəflərin Sankt-Peterburq görüşünü yüksək qiymətləndirdiyini də xatırladıb: “Əgər tərəflər belə qiymət veribsə, deməli, görüş həqiqətən də, yüksək səviyyədə keçib”.

 

Gununsesi.info