Masallının Sərçuvar kəndi ərazisində yol-nəqliyyat hadisəsi baş verib.
Masallı rayon mərkəzi xəstəxanasından Gununsesi.info-ya verilən məlumata görə bu gün səhər saat 07:40 radələrində baş verən avtoqəza nəticəsində 4 nəfər: 1953-cü il təvəllüdlü Mirzəyeva Gülxar Əzizan qızı, 1964-cü il təvəllüdlü Sucayeva Gülnisə Seyid qızı, 1979-cü il təvəllüdlü Zülfiyev Dilqəm Akif oğlu və 1998-ci il təvəllüdlü Həsənzadə Elçin Alışan oğlu müxtəlif xəsarətlərlə xəstəxanaya qəbul olunublar.
Zülfiyev Dilqəm Akif oğluna yardım olunduqdan sonra o digər xəstəxanaya köçürülüb. Onun müalicəsi reanimasiya şöbəsində davam etdirilir.
Faktla bağlı araşdırma aparılır.
Gununsesi.info
