Bir neçə il əvvəl Azərbaycan prezidenti İlham Əliyevin açılışını etdiyi Sabirabad Quşçuluq Şirkətinin sahibləri görünməmiş məhkəmə ədalətsizliyi ilə üzləşib.
“Gününsəsi”nin redaksiyasına üz tutan sahibkar Babaşov Nəbi Dilavər oğlu bildirir ki, qanun adı altında onlara qarşı böyük ədalətsizlik olub.
Bunu edənlər isə öz doğma əmisinin ailəsidir.
Onun sözlərinə görə, Sabirabad Quşçuluq Şirkətini atası 2015-ci ildə qurub. Sonradan əmisi oğlanları hiyləyə əl ataraq onların çıxılmaz vəziyyətə salıblar: “Əmim atamdan yaşca böyükdür. Cənab prezident gələndə əmim də ağsaqqal kimi orada oldu. Burada çəkilən fotodan başqa onların şirkətə bağlılığını isbat edən hər hansı hüquqi sənəd yoxdur. O vəfat edəndən sonra oğlanları belə qanunsuz yola əl atdılar.
Belə ki, heç bir hüquqi əsasları olmayan əmim övladları Şirvan Kommersiya Məhkəməsində hakim Zaur Abbasov tərəfindən qanunsuz qərara nail olublar.
Məhkəmənin sədri Vəli Abdullayev bu qanunsuzluqların başında durur.
Təsəvvür edin, həmin qərarda bizim quşların yemlənməsi üçün yem almağımız qadağan edilir. Bu qərarı verən hakim düşünməyib ki, axı, burada canlı saxlanılır, onlar qidalanmalıdır. Bir sözlə görünməyən presedentdir.
Bu şəxslər Prezidentin sahibkarların müdafiəsi üçün etdiyi çıxışları da unudub.
Sahibkar Nəbi Babaşov deyir ki, həmin qərardaddan verilən şikayət hakim Qasım Əliyevin sədrliyi ilə Şirvan Apellyasiya Məhkəməsi tərəfindən təmin edilməmişdir. Həmin qərar da onunla əsaslandırılmışdır ki, fabrikdə saxlanılan quşların həqiqətən yem və sair çatışmamazlığından məhvolma riski vardırsa və bu halın qarşısını 1-ci Cavabdeh Cəmiyyətin ümumi yığıncağı ilə razılaşdırıraq almaq imkanındadırsa, belə bir addım atmaq istəmirsə, bu artıq qərəzlilikdən xəbər verir. Ona görə də tələb edirik ki, məhkəmənin bu qərardadı ləğv edilməlidir.
@gununsesi.info Məhkəmə ədalətsizliyi ilə üzləşən sahibkar Prezidentdən və İnam Kərimovdan ədalət umur
Şəbnəm Rəhimova
Gununsesi.info
