Dünya koronovirus epidemiyası ilə mübarizəni davam etdirərkən, son həftələrdə sürətlə yayılmağa başlayan meymun xəstəliyi ilə bağlı narahatlıq yaradan açıqlamalar gəlməyə davam edir… Braziliyada bu xəstəliyə ilk yoluxan adam dünən danışarkən , ABŞ xəbərdarlıq etdi ki, “xəstəliyin simptomları dəyişməyə başladı”.
Gununsesi.info xəbər verir ki, ümumilikdə Afrikanın qərb və mərkəzi bölgələrində müşahidə edilən və 11 ölkədə endemik olan meymun xəstəliyi son aylarda onlarla ölkədə müşahidə olunmağa başlayıb və böyük çaxnaşma yaradıb.
ABŞ, İspaniya, Portuqaliya və İngiltərə başda olmaqla bir çox ölkə və qitədə ardıcıl olaraq aşkar edilən meymun çiçəyi haqqında yeni məlumatlar gəlməyə davam edir.
Xəstəliyin sürətlə yayıldığı ABŞ-ın aparıcı səhiyyə müəssisələrindən biri olan Xəstəliklərə Nəzarət və Qarşısının Alınması Mərkəzləri (CDC) açıqlama verərək amerikalılara xəbərdarlıq edib. Təşkilat tibb işçilərinə xəstələrdə fərqli əlamətlərə diqqət edilməsi barədə xəbərdarlıq edib. “Meymun çiçəyi xəstəliyinin əlamətləri keçmişdə Afrikada müşahidə olunanlardan fərqlənməyə başlayıb”, – deyə məlumatda bildirilir.
CDC direktoru Rochelle Walensky, “Bəzi yeni hallarda, insanların bütün bədəninə yayılan qızartı və blisterlər əvəzinə sızanaq kimi qabarıqlar və deformasiyalar meydana gələ bilər” dedi. Bəzi hallarda yalnız kiçik qabarcıqların göründüyünə diqqət çəkən Walensky, bunun xəstəlik boyu yeganə əlamət olduğunu ifadə edib.
Walensky deyir: “Ümumiyyətlə, meymun xəstəliyi yüngül formada olur və bədənin bəzi yerlərində baş verir. Ancaq Qərbi və Mərkəzi Afrikada görülən xəstəliklərin klassik əlamətlərindən fərqli əlamətlər görülür. “Bu, bir çox xəstələrin diqqətdən kənarda və ya diaqnoz qoyulmadığını göstərir.”
“Bu xəstəlik adətən üzdə, əllərdə və qollarda qabarcıqlarla özünü göstərir. Lakin son zamanlar xəstələrin cinsiyyət orqanlarında və anus ətrafında qabarcıqlar əmələ gəlir və daha sonra qripə bənzər əlamətlər yaranır, bəzi hallarda hətta qripə bənzər əlamətlər də görünmür.
ABŞ-da bəzi xəstələrin düz bağırsağında ağrı və iltihab hiss etdiyi bildirilərkən, bunun keçmişdə meymun çiçəyi xəstəliyində müşahidə edilmədiyi də qeyd edilib.
Digər tərəfdən, Pensilvaniya Universiteti Dr. Stüart İsaaks da açıqlama verib. Dr. İsaaks dedi: “Qərbi Afrika variantı xəstəliyin daha yüngül olmasına səbəb ola bilər. Amma bədəninizdə az da olsa qızartı və qabarcıqlar varsa, xəstə ola bilərsiniz. Regional lezyonlara diqqət yetirməlisiniz” dedi.
Isaacs, xəstəliyin ötürülmə üsulundan asılı olaraq simptomların da fərqli ola biləcəyini təklif edib.
İlk dəfə 1970-ci illərdə Konqo Demokratik Respublikasında insanlarda görülən virus, son 10 ildə Qərbi Afrikada kəskin şəkildə artıb. Xəstəlik üzdə və bədənin qalan hissəsində dəri səpgiləri ilə özünü göstərir, həmçinin qızdırma və baş ağrısı kimi əlamətlərə səbəb olur.
Çiçəklə eyni virus ailəsindən olan meymun çiçəyi virusu daha az ölümcüldür, lakin onun iki növündən biri olan Konqo variantında ölüm nisbəti yüzdə 10 ola bilər.
Gununsesi.info
