Dünyada meymunçiçəyi epidemiyası iki səbəbdən yarana bilər: ya virus üzərində iş aparılıb və o, daha yoluxucu olub, ya da son illər bəşəriyyətin bu infeksiyaya qarşı kollektiv immuniteti xeyli zəifləyib.
Gununsesi.info xəbər verir ki, bu sözləri Tibb üzrə Federal Tədqiqat Mərkəzinin Xüsusi təhlükəli infeksiyalar laboratoriyasının rəhbəri, virusoloq, tanınmış professor Aleksandr Çepurnov “ura.ru”ya müsahibəsində deyib.
“Ya biz kənar müdaxilə ilə geni dəyişdirilmiş məhsulla məşğuluq, ya da bəşəriyyətin immun statusu pisləşdiyi üçün belə davranır”, – Aleksandr Çepurnov bildirib.
Professor bir növ seleksiya işi apararaq, laboratoriyada virus üzərində işləmək ehtimalını istisma etməyib. Həmçinin professor insanlara hələ az məlum olan daha bir neçə virus variantının olduğunu güman edir:
“Problem ondadır ki, meymunçiçəyi haqqında bildiklərimiz son müşahidələrimizlə üst-üstə düşmür. Bu, kifayət qədər asanlıqla lokallaşdırılan xəstəlikdir, çünki o, çox ötürülmür. Bunun üçün yaxın təmas lazımdır. Təmasda olan insanları isə müəyyənləşdirib təcrid etmək çətin deyil. Bütün bunları nəzərə alsaq, bizdə belə bir bölgü olmamalı idi”, – deyə Çepurnov bildirib.
Gununsesi.info
