“Microsoft”un son təhlükəsizlik yeniləmələrini quraşdırmaq lazımdır

  • By admin
  • 14 Aprel 2017 20:36

Microsoft

Nəqliyyat, Rabitə və Yüksək Texnologiyalar Nazirliyi (NRYTN) yanında Elektron Təhlükəsizlik Mərkəzi (ETM) “Microsoft” şirkəti proqram təminatlarındakı boşluqları aradan qaldırmaq üçün istifadəçilər üçün təqdim etdiyi 61 yeniləməni (Security Update) quraşdırmağı tövsiyə edir.

Gununsesi.info xəbər verir ki, Elektron Təhlükəsizlik Mərkəzi #VU921560 boşluğunun istifadəçilər və administratorlar üçün təhlükəsini vurğulayır və “Microsoft”un “Aprel 2017” Təhlükəsizlik yenilənmələrini quraşdırmağın vacibliyini qeyd edir.

Bu boşluqlardan bəzilərinin istifadəsi sistemin bədniyyətlilər tərəfindən uzaqdan idarə olunması ilə nəticələnir. Bildirilib ki, son təhlükəsizlik yeniləmələri xüsusən ziyanverici kodların yayılması üçün istifadə edilən “Microsoft Office” proqramlarındakı boşluqlar üçün nəzərdə tutulub. Odur ki, yeniləmələrin qısa müddət ərzində istifadəçilər tərəfindən quraşdırılması məqsədəuyğundur.

Gununsesi.info