Artıq hər il ali məktəblərə qəbulun nəticələrinə görə rayon üzrə yüksək bal toplayan gənclərlə görüş Yeni Azərbaycan Partiyası Nəsimi rayon təşkilatında ənənə halını alab.
Gununsesi.info xəbər verir ki, bu gün aralarında 700 bal toplamış Hüseynova İlhamə də olmaqla, 650-dən yüksək bal toplayan 30-a yaxın tələbə və onların valideynləri ilə partiyanın rayon təşkilatının qərargahında görüş keçirilib.
Görüşdə YAP Nəsimi rayon təşkilatının sədri, millət vəkili Məlahət İbrahimqızı və Gənclər Birliyinin İdarə Heyyətinin üzvü, millət vəkili, Şahin İsmayılov iştirak edib.
Görüşdə çıxış edən tələbə və valideynlər ölkəmizdə dövlətimizin və dövlət başçısının gənclərə, eyni zamanda təhsilə olan diqqət və qayğıdan danışaraq, Azərbaycan Respublikasının Prezidentinə ə Birinci vitse-Prezidentinə öz təşəkkürlərini bildiriblər.
Görüşün sonunda yüksək bal toplayan tələbə-gənclərə partiyanın rayon təşkilatı tərəfindən hədiyyələr təqdim edilib.
Gununsesi.info