Bu gün Milli Məclisin payız sessiyası ilk iclası keçiriləcək.
Gununsesi.info Milli Məclisin rəsmi saytına istinadən xəbər verir ki, gündəliyə 31 məsələ daxil edilib.
Payız sessiyasınin açılış mərasimində MilliMəclis sədri Oqtay əsədovun çıxışı ilə başlayacaq.
Daha sonra isə parlamentarilər Milli Məclisinin 2016-cı il payız sessiyasının qanunvericilik işləri planını, komitə üzvlərinin seçilməsini, həmçinin, “Meliorasiya və irriqasiya haqqında”, “Mədəniyyət haqqında”, Vergi Məcəlləsinə , “Mühasibat uçotu haqqında”, “Poçt haqqında”, “Dövlət rüsumu haqqında”, “Reklam haqqında”, “Qiymətli kağızlar bazarı haqqında”, “Aviasiya haqqında”, “Hüquqi şəxslərin dövlət qeydiyyatı və dövlət reyestri haqqında”, “Yol hərəkəti haqqında”, “Əməliyyat-axtarış fəaliyyəti haqqında”, Cinayət-Prosessual Məcəlləsinə, “Dövlət qulluğu haqqında”, Mülki Prosessual Məcəlləsinə, İnzibati Xətalar Məcəlləsinə dəyişikliklər edilməsi barədə məslələri müzakirə edəcəklər.
Parlamentarilər eyni zamanda “Azərbaycan Respublikası ilə QİSÇ, Vərəm və Malyariya ilə Mübarizə üzrə Qlobal Fond arasında” Çərçivə Sazişinin təsdiq edilməsini, “Azərbaycan Respublikası Əhalisinin Dövlət Reyestri haqqında” Azərbaycan Respublikasının Qanununda dəyişikliklər edilməsi barədə”, o cümlədən “Kredit büroları haqqında” qanunun layihəsini birinci oxunuşda müzakirə edəcəklər.
Mürtəza
Gununsesi.info
