Milli Məclis “Elm haqqında” qanun layihəsi qəbul etdi

  • By admin
  • 14 İyun 2016 13:41

Millio Meclisss

 

HTML tutorial

Milli Məclisin bu gün keçirilən növbədənkənar iclasında “Elm haqqında” qanun üçüncü oxunuşda müzakirəyə çıxarılıb. Gununsesi.info xəbər verir ki,  parlamentin Elm və təhsil komitəsinin sədri İsa Həbibbəyli ikinci oxunuşda 20-dən artıq millət vəkilinin çıxış etdiyini və onların təkliflərinin üçüncü oxunuşda nəzərə alındığını diqqətə çatdırıb.
Bildirilib ki, qanun layihəsi ilə yanaşı, magistr və doktorantlara möhlət hüququnun verilməsi ilə bağlı qanunvericiliyə müvafiq dəyişikliyinin nəzərdə tutulması müsbət addımdır. Qanun layihəsində Azərbaycançılıq anlayışının saxlanılması müvafiq hesab edilib.
O qeyd edib ki, elm haqqında qanunvericiliyin əsas məqsədi elmi fəaliyyətlə məşğul olan bütün subyektlərin və iştirakçıların konstitusiya hüquqlarının təmin edilməsi və qorunmasından, onların arasında münasibətlərin tənzimlənməsi, elmi fəaliyyət sahəsində fiziki və hüquqi şəxslərin hüquq və vəzifələrinin müəyyən edilməsi, elmi fəaliyyətin sərbəst və davamlı inkişafının təmin edilməsi, vətəndaşların əqli potensialının reallaşdırılması və elmi nailiyyətlərdən istifadə edilməsi sahəsində təşkilati-hüquqi bazanın yaradılmasından ibarətdir.
Qanun layihəsi üçüncü oxunuşda səsə qoyularaq qəbul edilib.

 

Gununsesi.info