Milli Məclisdə yeni sessiyanın ilk iclasını bu komitə keçirəcək

Sabah, yanvar ayının 18-də parlament üzvləri qış tətilindən sonra il toplantıya yığışacaqlar.

Gununsesi.info xəbər verir ki, Regional məsələlər komitəsinin hesabat iclası keçiriləcək.

HTML tutorial

İclasın gündəliyində Milli Məclisinin 2021-ci ilin payız sessiyası dövründə Regional məsələlər komitəsinin gördüyü işlər barədə hesabat dinlənəcək.

İclasda həmçinin, komitənin 2022-ci ilin yaz sessiyası üçün iş planının layihəsinin təqdim olunması planlaşdırılıb.

Xatırladaq ki, Milli Məclisin Daxili Nizamnaməsinə əsasən, deputatların qış tətilinin müddəti yanvarın 15-də başa çatıb. Həmin tarix isə şənbə gününə təsadüf etdiyindən deputatlar bu gündən işə çıxıblar.

Gununsesi.info