“Minlərlə iş yeri yaratmaq planlarımız var” - Prezident

Ölkə daxilində minlərlə iş yeri və yerli istehsalı yaratmaq planlarımız var.

Gununsesi.info xəbər verir ki, bunu Prezident İlham Əliyev Zirə qəsəbəsində “Abşeron Zeytun Bağları” Məhdud Məsuliyyətli Cəmiyyətinin (MMC) regionda ən böyük zeytun yağı və süfrəlik zeytun məhsullarının emalı zavodunun açılışı zamanı İtaliyanın “Pieralisi” şirkətinin nümayəndələri ilə görüşdə deyib.

HTML tutorial

“Əlbəttə ki, bizim istehsalı genişləndirmək planlarımız var. Beləliklə, biz, xüsusilə burada – Abşeron yarımadasında və Azərbaycanın bəzi digər ərazilərində istifadə olunmayan torpaqlardan zeytun istehsalı üçün maksimum istifadə etməyi planlaşdırırıq”, – dövlət başçısı bildirib.

Prezident bildirib ki, yaxın gələcəkdə istehsalı genişləndirmək lazım olacaq:

“Düşünürəm ki, buna görə bizim sizin şirkətlə əməkdaşlığımız strateji əhəmiyyət daşıyacaq. Çünki burada – Abşeronda, həmçinin azad edilmiş ərazilərdə potensial var. Əlbəttə ki, bütün bunlar torpaq, iqlim, məhsuldarlıq nöqteyi-nəzərdən qiymətləndiriləcək. Amma bizim önəmli iştirakçı olmaq üçün ciddi planlarımız var. Həmçinin ölkə daxilində minlərlə iş yeri və yerli istehsalı yaratmaq planlarımız var”.

Gununsesi.info