Türkiyə Milli Kəşfiyyat Təşkilatının (MİT) İraqın şimalında həyata keçirdiyi məqsədyönlü əməliyyat zamanı PKK terror təşkilatının “liderlərindən” olan Ayşe Arslan zərərsizləşdirilib.
Gununsesi.info bildirir ki, bu barədə Türkiyə təhlükəsizlik güclərindəki mənbələr məlumat verib.
Zərərsizləşdirilən terrorçu “Tekoşin Cizre” kod adı ilə tanınırdı.
Qeyd edilir ki, terror təşkilatının iyerarxiyasında Ayşe Arslan İraqın şimalındakı Hakurk bölgəsindəki “ictimai sahəyə” cavabdeh olub.
O, 2004-cü ildə PKK terror təşkilatına qoşulub. 2014-cü ildə terror təşkilatının Suriya qolu olan PYD/YPG sıralarında fəaliyyət göstərib.
Gununsesi.info
