Möhkəm şaxta olacaq - PROQNOZ

  • By admin
  • 24 Noyabr 2016 12:50

hava

Bakı və Abşeron yarımadasında noyabrın 25-də hava dəyişkən buludlu, əsasən yağmursuz olacaq. Lakin gecə yarımadanın bəzi yerlərində az yağıntılı olacağı ehtimalı var. Mülayim cənub-qərb küləyi arabir güclənəcək.

Ekologiya və Təbii Sərvətlər Nazirliyindən Gununsesi.info-ya verilən məlumata görə, havanın temperaturu gecə  yarımadada 1° şaxtadan 2°-dək isti, gündüz  3-6° isti, Bakıda gecə  0-2° isti, gündüz  4-6° isti olacağı gözlənilir.

Atmosfer  təzyiqi  normadan yüksək 776 mm civə sütunundan 769 mm civə sütununa enəcək. Nisbi rütubət  gecə 75-85 %, gündüz 55-60%  təşkil edəcək.

Azərbaycanın rayonlarında hava əsasən yağmursuz keçəcək. Gecə və səhər bəzi yerlərdə duman, şərq rayonlarında çiskinli olacaq.

Cənub-qərb küləyi ayrı-ayrı yerlərdə arabir güclənəcək.

Havanın temperaturunun gecə 0-4° şaxta, gündüz 3-6° isti, dağlarda gecə  5-10° şaxta, gündüz 2° şaxtadan 3°-dək isti olacağı gözlənilir.

Gununsesi.info