Moldova MDB ölkələrinin Parlamentlərarası Assambleyasını (PA) tərk etmək prosedurunu 2024-cü il fevralın 8-də başa çatdıracaq.
Gununsesi.info bildirir ki, bu barədə jurnalistlərə assambleyanın sədri, Rusiya Federasiya Şurasının sədri Valentina Matvienko məlumat verib.
“Prosedurun nə vaxt başa çatacağına (vaxtına) gəlincə, bütün bunlar bizim qaydalarımızda göstərilib. Moldovanın PA-dan çıxması ilə bağlı bəyanatından sonra prosedur fevralın 8-də (2024-cü ildə) başa çatacaq və fevralın 8-də Moldova rəsmi olaraq MDB Parlamentlərarası Assambleyasının üzvü olmayacaq”, – Matvienko Rusiya mətbuatına istinadən xəbər verir.
Matviyenkonun sözlərinə görə, bu addım məclisə heç bir ziyan vurmayacaq, fəaliyyətini davam etdirir.
“Bu, əlbəttə ki, Moldovanın özü üçün böyük itkidir”, – parlament sədri vurğulayıb.
Moldova hakimiyyəti 1995-ci il mayın 26-da Minskdə bağlanmış MDB Parlamentlərarası Assambleyası haqqında Konvensiyanı denonsasiya edən qanun layihəsini təsdiqləyib.
Müstəqil Dövlətlər Birliyinin Parlamentlərarası Assambleyasının Bişkekdə keçirilən payız sessiyası MDB PA-nın 56-cı plenar iclası ilə öz işini yekunlaşdırıb.
Gununsesi.info
