Süni qiymət qaldıran monopolistlər məsuliyyətə cəlb olunmalıdır.
Gununsesi.info xəbər verir ki, bunu millət vəkili Əli Məsimli 2018-ci ilin büdcəsinin parlamentin komitələrində müzakirəsi zamanı deyib.
Onun sözlərinə görə, bu gün ölkədə inflyasiyanın bir rəqəmli səviyyədən ikirəqəmli səviyyəyə qalxmasına səbəb məhz monopolistlərin süni yolla qiymətləri bahalaşdırmasıdır: “Onlar heç bir əziyyət çəkmədən məhsulun qiymətini artıranda, bu inflyasiyanın sürətlə artımına səbəb olur. Məhz bunun nəticəsidir ki, inflyasiya 14-18 faiz civarındadır. Bu yolla monopolistlər xalqın cibinə girirlər”.
Ə.Məsimli əlavə edib ki, bu gün 50 manat oğurlayan şəxsə bir neçə il həbs cəzası kəsilir: “Mən deyərdim ki, monopolistlərin süni yolla qiyməti artırması mütəşəkkil cinayətkarlıqdır və ona görə də süni qiymət artımı ilə məşğul olanlara qarşı ciddi tədbir görülməlidir”.
Mürtəza
Gununsesi.info