Moskva Şəhər Məhkəməsi SSRİ-nin bərpasını xahiş edən qadının iddiasını rədd edib.
Gununsesi.info xəbər verir ki, bu barədə “Mash” “Telegram” kanalı məlumat yayıb.
İddiaçı hesab edir ki, Mixail Qorbaçov və Rusiyanın indiki parlamenti Sovet İttifaqının qanunvericiliyini, dövlət özünüidarə orqanlarını bərpa etməli, sonra isə SSRİ prezidenti seçkiləri keçirməlidir.
Bir müddət əvvəl Sovet İttifaqının birinci prezidenti Mixail Qorbaçov demişdi ki, SSRİ-də yenidənqurmanı məhv edən ölümcül amillər Belovejsk müqavilələri və Fövqəladə Hallar üzrə Dövlət Komitəsinin həyata keçirdiyi dövlət çevrilişi olub.
Onun fikrincə, yenidənqurmanın dağılması sonrakı transformasiyaların baş verdiyi şərtləri dəyişdi.
Gununsesi.info
