Mübariz Mənsimov bədxahlarına cavab verdi: “Əsas odur ki, halallıqla qazanıb, haram yeməmişəm”

  • By arzu
  • 19 Fevral 2020 16:34

“Mənim gəmilərdə aşpaz işləməyimi qabardırlar, yazırlar ki, guya indiki səviyyəyə həyat yoldaşımın sayəsində gəlib çatmışam”.

 Gununsesi.org xəbər verir ki, bunu “Palmali” şirkətinin rəhbəri Mübariz Mənsimov Feysbuk hesabında yazıb. O bildirib ki, heç vaxt aşpaz işləməyindən utanmayıb və bunu həmişə hər yerdə açıq deyib: “Əsas odur ki, halallıqla qazanıb, haram yeməmişəm. “Palmali” kimi böyük şirkətin sahibi olmağıma isə, nə həyat yoldaşım, nə də qayınatam səbəb olub. Bilin ki, mənim də, xanımımın da ailəsi sadə fəhlə ailəsidir. Nə qazandımsa, “Palmali” ailəsi və dostlarımla birlikdə qazandım. Dənizlərdə min əziyyətə qatlaşıb, fırtınalarla sinə gərərək uğurlar əldə etmişik”.