“Ümid edirik ki, regionda sülh bərqərar olacaq”.
Gununsesi.info-nun məlumatına görə, bunu İranın Azərbaycandakı səfiri Cavad Cahangirzadə Cəbrayıl rayonunun Cocuq Mərcanlı kəndinin bərpası ilə bağlı işlərə münasibət bildirərkən deyib.
Səfir həmçinin onuda qeyd edib ki, İranla Azərbaycan hərbi sahədə də əməkdaşlıq edir.
O, Azərbycanın müdafiə naziri Zakir Həsənovun İrana səfər edəcəyini bildirib:
“Biz bu sahədə əlaqələri daha da inkişaf etdirmək niyyətindəyik. Hər şey etməliyik ki, iki ölkə arasında əlaqələr daha yüksək səviyyədə olsun. Bakıda silah sərgisində də İrandan Azərbaycana nümayəndə heyəti gəldi. Əməkdaşlıqla bağlı bəzi müzakirələr olub”.
C.Cahangirzadə son 25 ildə İran-Azərbaycan əlaqələri günbəgün inkişaf etdiyini bildirib.
O bildirib ki, İran və Azərbaycan prezidentləri son 3 ildə 7 dəfə görüşüblər:
“Regionda bu əlaqələrin tayı-bərabəri yoxdur. Müxtəlif qurumlar arasında təmaslar daim davam edir. Ola bilsin ki, bu ilin iyun ayında Neftçala avtomobil istehsalı üzrə müştərək müəssisə fəaliyyətə başlasın”.
Səfir xatırladıb ki, Azərbaycan müstəqilliyi əldə etdikdən sonra İranın Qızıl Aypara cəmiyyəti ölkəmizdə qaçqın və məcburi köçkünlərə yardım edib.
Mürtəza
Gununsesi.info
