Müğənni Sahib İbrahimov tanınmış ifaçıları tənqid edib.
Gununsesi.info xəbər verir ki, Xəzər Televiziyasında yayımlanan “Starlife” verilişində müsahibə verən müğənni bəzi ifaçıların savadsızlığından gileylənib. Müğənni münsiflər heyətində əyləşən sənətçilərin o kürsünü heç də haqq etmədiyini söyləyib.
“Jüridə əyləşən müğənnilərin musiqi təhsili olmalıdır. Təssüf ki, bəzilərində bu savad yoxdur. İfalarının səviyyəsini müəyyənləşdirmək üçün onların özünə jüri lazımdır. Bəzi musiqi yarışmalarına baxıb çox təəssüflənirəm. Onlar yəqin veriliş reytinq yığsın deyə, əyləşdirilib.”
Nəzərə alsaq ki, son zamanlar efirimizdə “O səs Azərbaycan” yarışmasından başqa heç bir musiqi müsabiqəsi yayımlanmayıb, o zaman kimlərin atəşə tutulduğunu təxmin etmək heç də çətin deyil”.
Sevinc Xeyrulla
