Mülki şəxs Ermənistana təhvil verilib

  • By admin
  • 29 Dekabr 2021 21:11

Azərbaycanın Əsir və itkin düşmüş, girov götürülmüş vətəndaşlarla əlaqədar Dövlət Komissiyasının məlumatına görə, dekabrın 29-da bir erməni əsilli mülki şəxs yolu azaraq Azərbaycan hərbçilərinin nəzarətində olan əraziyə daxil olub.

Gununsesi.info-nun məlumatına görə, qurum bildirib  ki, o, 24.04.1971-ci il təvəllüdlü Verdyan Armen Abrikoviç olub. “Azərbaycan humanizm prinsiplərinə sadiq qalaraq həmin şəxsi Ermənistana təhvil verib”, – məlumatda vurğulanıb.

HTML tutorial

Qarabağ münaqişəsi ilə bağlı Ermənistan və Azərbaycan arasında illərlə sürən gərginliklər olub. Bu münaqişə müasir mərhələdə 1988-ci ildə başlayıb. Daha sonra onların arasında silahlı toqquşmalar baş verib. 1994-cü ildə gerçəkləşən atəşkəs razılaşmasına qədər Azərbaycanın Dağlıq Qarabağ bölgəsi və ona bitişik 7 rayonu işğal edilmişdi. Amma 2020-ci ildə İkinci Qarabağ müharibəsində Azərbaycan Dağlıq Qarabağ bölgəsinin bir hissəsinə və ətraf 7 rayona nəzarəti bərpa edib. Həmin ilin 10 noyabr razılaşmasına (Azərbaycan, Ermənistan və Rusiya arasında) əsasən, döyüşlər dayandırılıb, Laçın dəhlizində və qoşunların təmas xəttində Rusiya sülhməramlıları yerləşdirilib. Keçmiş Dağlıq Qarabağ Muxtar Vilayətinin çox hissəsinin tanınmayan qurumun və Rusiya sülhməramlılarının nəzarətində qaldığı bildirilir.

Gununsesi.info