Nəsimi Rayon İcra Hakimiyyətində 5 oktyabr – Beynəlxalaq Müəllimlər Günü münasibəti ilə tədbir keçirilib.
Gununsesi.org-un məlumatına görə, tədbiri giriş sözü ilə açan icra başçısı Asif Əsgərov ulu öndər Heydər Əliyevin Azərbaycan təhsilinə olan diqqət və qayğısından, Prezidenti İlham Əliyevin rəhbərliyi altında son illər respublikamızda tikilən və əsaslı təmir olunan təhsil müəssisələri, təhsil işçilərinin sosial müdafiəsinin möhkəmləndirilməsi istiqamətində atılan addımlar, təhsilinin inkişafında xüsusi xidmətləri olan Birinci vitse-prezident Mehriban Əliyevanın gördüyü işlər və ötən təhsil ilində rayonun təhsil müəssisələrinin uğurları barədə danışıb.
Tədbirdə millət vəkilləri Ziyad Səmədzadə, Məlahət İbrahimqızı və Nəsimi rayon təhsil işçiləri çıxış edərək təhsilə, təhsil işçilərinə göstərilən diqqət və qayğıya görə Prezidenti İlham Əliyevə və Birinci vitse-prezident Mehriban Əliyevaya öz dərin minnətdarlıqlarını və ehtiramlarını bildiriblər.
Tədbirin sonunda iştirak edən təhsil işçilərinə İcra Hakimiyyəti tərəfindən hədiyyələr təqdim olunub. Tədbir 2 və 3 nömrəli Uşaq-Gənclər İnkişaf Mərkəzlərinin rəqs qruplarının maraqlı rəqsləri ilə ilə davam edib.