Bugün Bakı Apellyasiya Məhkəməsində “Meydan TV İşi” üzrə həbs edilən bir qrup jurnalistin apellyasiya şikayətinə baxılıb.
Gununsesi.info-nun xəbərinə görə, jurnalistlər özünü günahkar hesab etməsə də məhkəmə onları həbsdə saxlayıb.
Prosesdə çıxış edən tanınmış jurnalist Natiq Cavadlı həyatında heç zaman qanunsuz məqamların olmadığını deyib: “33 ildən çoxdur ki, jurnalistəm. Peşəkar jurnalist fəaliyyətimə görə çoxsaylı mükafatlara layiq görülmüşəm. Mənim əlim heç zaman haram pula dəyməyib. Mən başqa media qurumlarında necə işləmişəmsə, Meydan TV -də də eyni qaydada işləmişəm. Deputatlardan, məmurlardan, siyasətçilərdən müsahibələr almışam. Bundan başqa hər hansı bir fəaliyyətim olmayıb”.
Afət
Gununsesi.info
