“Gürcüstanın Müdafiə Nazirliyinin həyata keçirdiyi fundamental islahatlar çox uğurludur”.
Gununsesi.info xarici mətbuata istinadən xəbər verir ki, bunu NATO-nun baş katibinin Qafqaz və Mərkəzi Asiya üzrə xüsusi nümayəndəsi Ceyms Appaturay Gürcüstanın müdafiə naziri Levan İzoriya ilə görüşdə deyib. O bildirib ki, NATOGürcüstanda islahatlar prosesini dəstəkləmək üçün səylərini əsirgəməyəcək: “NATO və Gürcüstan arasında əməkdaşlığın müxtəlif istiqamətləri var. Biz NATO-ya üzv ölkələrin nazirlərinin görüşünü və gələn il NATO sammitini gözləyirik. Bunların hamısı Gürcüstanın NATO-ya inteqrasiyasında irəliləyişə nail olmağa kömək edəcək”.
L. İzoriya öz növbəsində NATO-nun xüsusi nümayəndəsini Gürcüstana avroatlantik inteqrasiya istiqamətində göstərdiyi böyük dəstəyə görə təşəkkür edərək qeyd edib ki, Gürcüstan alyansın strateji tərəfdaşı olaraq təhlükəsizliyin təmin olunması üzrə səyləri davam etdirir.
Gununsesi.info
