Alyansın müdafiə nazirləri iddia edilən təxribat aktlarına cavab olaraq Rusiyaya qarşı yeni məhdudiyyətlər barədə razılığa gəliblər.
Gununsesi.info xəbər verir ki, bunu NATO-nun baş katibi Yens Stoltenberq deyib:
“Bu gün müdafiə nazirləri Rusiyaya qarşı fərdi və kollektiv şəkildə tətbiq olunacaq bir sıra tədbirlər barədə razılığa gəliblər”, – deyə o,bildirib.
O əlavə edib ki, kəşfiyyat xidmətləri arasında məlumat mübadiləsinin artırılması, alyans ölkələrinin kritik infrastrukturunun mühafizəsinin gücləndirilməsi, həmçinin Rusiya kəşfiyyatına məhdudiyyətlərin tətbiqi gözlənilir.
Stoltenberq daha əvvəl bildirmişdi ki, NATO-ya üzv ölkələr Moskvanın iddia edilən təxribatına cavab olaraq rus casuslarını təqib edəcəklər.
O, həmçinin əlavə edib ki, NATO-ya üzv ölkələrin müdafiə nazirlərinin Brüsseldə keçiriləcək iclasında iddia edilən Rusiyanın alyans müttəfiqlərinə qarşı düşmənçilik kampaniyası araşdırılacaq.
Günay
Gununsesi.info
