Almaniya və Türkiyə arasında günü-gündən artan gərginlik barədə məlumat vermişdik. Bu gərginlik isə bir ölkənin nümayəndələrinin digərinə səfər etməsi üçün real maneədir.
Gununsesi.info xarici mətbuata istinadən xəbər verir ki, NATO-nun Baş katibi Cens Stoltenberqin Almaniyanın millət vəkillərinin Türkiyənin Konya şəhərində yerləşdirilmiş alman əsgərlərinə baş çəkmələrini asanlaşdırmaq məqsədilə təklif irəli sürdüyü məlum olub.
Bu barədə məlumatı NATO-nun mətbuat katibi Piers Cazalet verib. O, Stoltenberqin hər iki ölkənin təmsilçiləri ilə əlaqə saxladığını və hər kəs üçün münasib bir qərara gələcəklərinə ümid bəslədiklərini açıqlayıb.
Gununsesi.info
