NATO Alyansın mövcud donanmasının istismar müddətinin sonuna yaxınlaşdığı bir vaxtda özünün uzaqmənzilli hava-desant müşahidə (AWACS) təyyarələri donanmasının dəyişdirilməsi ilə bağlı müqaviləni təsdiqləyib.
Gununsesi.info xəbər verir ki, bu barədə NATO-nun mətbuat xidməti məlumat yayıb.
Məlumata görə, altı yeni “Boeing E-7A Wedgetail” təyyarəsinin istehsalına yaxın illərdə başlanmalıdır və ilk təyyarə 2031-ci ilə qədər döyüş tapşırıqlarına hazır olacaq.
NATO bu sazişi Alyansın tarixində ən böyük hərbi alışlardan biri adlandırıb.
“Resursları birləşdirməklə, Alyans üzvləri ayrı-ayrı ölkələrin əldə etməsi olduqca baha başa gələn kritik qabiliyyətləri birgə satın ala və işlədə bilərlər. Ən müasir texnologiyalara qoyulan bu sərmayələr transatlantik müdafiə əməkdaşlığının gücünü nümayiş etdirir, çünki biz daha dəyişkən dünyaya uyğunlaşmağa davam edirik”, – deyə NATO-nun baş katibi Yens Stoltenberq bildirib.
“E-7 Wedgetail” güclü radarla təchiz edilib, o, düşmənin təyyarələrini, raketlərini və gəmilərini uzaq məsafədən aşkarlaya bilir və NATO qırıcılarını hədəflərinə istiqamətləndirə bilir.
Xatırladaq ki, sentyabrın sonunda NATO Litvanın Şyaulyayında hava desant xəbərdarlığı və idarəetmə sisteminin müşahidə təyyarələrini müvəqqəti yerləşdirmək qərarına gəlib.
Oktyabrda isə NATO “Balticconnector” qaz kəmərinə və rabitə kabelinə ziyan vurduqdan sonra Baltik dənizində patrulları artırmaq qərarına gəlib.
Gununsesi.info
