Rusiyalı müxalifət lideri Aleksey Navalnının həyat yoldaşı Yuliya Navalnaya Münhen Təhlükəsizlik Konfransında çıxış edib.
Gununsesi.info xəbər verir ki, o, Navalnının ölümü ilə bağlı bütün məlumatların yalnız Rusiyanın rəsmi mənbələrindən məlum olduğunu vurğulayıb.
“Yalnız Rusiya hökumət mənbələrindən aldığımız dəhşətli xəbərlərə inanıb-inanmayacağımı bilmirəm. Çünki uzun illərdir və hamınız bunu bilirsiniz, biz Putinə və Putin hökumətinə etibar edə bilmirik. Onlar həmişə yalan danışırlar”, – Yuliya Navalnaya deyib.
“Ancaq bu doğrudursa, mən istəyirəm ki, Putin, onun ətrafındakı hər kəs, Putinin dostları, hökuməti bilsin: onlar ölkəmizə, ailəmə və ərimə etdiklərinə görə cavab verəcəklər. Və bu gün çox tezliklə gələcək”.
“Mən bütün dünya ictimaiyyətini, bu otaqda olan hər kəsi, bu dünyadakı bütün insanları çağırmaq istəyirəm ki, biz birlikdə birləşək və bu pisliyi məğlub edək, indi Rusiyada olan dəhşətli rejimi məğlub edək. Bu rejim və Vladimir Putin son illərdə mənim ölkəmə, ölkəmizə, Rusiyaya qarşı etdikləri bütün dəhşətli işlərə görə şəxsi məsuliyyətini öz üzərinə götürməlidir”, – deyə o bildirib.
Gununsesi.info
