Naxçıvanda avtomobil taksi ilə toqquşaraq aşdı - FOTOLAR

  • By admin
  • 08 Mart 2023 20:53

Naxçıvan şəhərində yol-nəqliyyat hadisəsi baş verib.

Gununsesi.info xəbər verir ki, hadisə bu gün axşam saatlarında şəhərin Nizami küçəsində qeydə alınıb.

71-BD-066 dövlət nömrə nişanlı “KIA Cerato” markalı avtomobil 68-TA-085 dövlət nömrə nişanlı taksi ilə toqquşub.

Qəza nəticəsində “KIA” markalı avtomobil aşıb.

Həmin nəqliyyat vasitəsinin sürücüsü, 1997-ci il təvəllüdlü Naxçıvan şəhər sakini İsmayıl Əliyev xəstəxanaya yerləşdirilib, vəziyyəti sabitdir.

Faktla bağlı araşdırma aparılır.