Ərdoğan Putinlə sentyabrda Çində keçiriləcək G-20-lərin sammitində görüşməyə hazırdır. Gununsesi.info xəbər verir ki, bunu Türkiyənin xarici işlər naziri Mövlud Çavuşoğlu Sergey Lavrovla görüşün yekunu barəsində açıqlama verərkən deyib.
Görüş barəsində məlumat verən M.Çavuşoğlu deyib ki, görüş çox konstruktiv keçdi: “Görüşdə biz iqtisadi, enerji, ticari məsələləri, həmçinin yüksək səviyyədə əlaqələrin qurulmasını müzakirə etdik”. Nazir onu da deyib ki, görüşdə regional məsələlər də müzakirə edilib.
Lavrovla Suriya məsələsini geniş müzakirə etdiyini deyən Çavuoğlu deyib ki, Türkiyənin Rusiya və İsraillə münasibətlərinin normallaşması regionun xeyrindədir. Suriyada siyasi qərarların qəbul olunması üçün biz birgə işləmliyik.
Türkiyənin terrorizmə qarşı aktiv mübarizə apardığını və buna görə də onun hədəfinə çevrildiyini deyən Çavuşoğlu deyib ki, ona görə də biz İŞİD-in bir başa hədəfinə çevrilirik: “Biz təkcə İŞİD-i deyil, eyni zamanda “Cebhet ən-Nusra”nı da terrorçu təşkilat sayırıq”.
Gununsesi.info
