Nazirlikdən HAVA XƏBƏRDARLIĞI: Bu gün…

Milli Hidrometeorologiya Xidməti martın 23-ü meteohəssas insanları diqqətli olmağa çağırır.

Gununsesi.info-nun Trend-ə istinadla məlumatına görə, Ekologiya və Təbii Sərvətlər Nazirliyinin Milli Hidrometeorologiya Xidmətinin Proqnozlar Bürosunun direktoru Gülşad Məmmədova bildirib ki, martın 23-24-də Bakı və Abşeron yarımadasında havanın dəyişkən buludlu olacağı, əsasən yağmursuz keçəcəyi gözlənilir:

HTML tutorial

“Arabir güclənəcək qərb küləyi əsəcək. Gecə saatlarında 5-7, günorta saatlarında isə 13-18 dərəcə isti olacaq”.

Bölgələrdə də havanın qeyri-sabit keçəcəyi gözlənilir. Axşama doğru bəzi yerlərdə yağış yağacaq, ayrı-ayrı yerlərdə duman olacaq:

“Bölgələrdə gündüz yağmursuz hava şəraiti müşahidə olunsa da, 23-ü axşam və 24-də bəzi yerlərdə yağış yağacağı gözlənilir. Dağlıq ərazilərdə qar yağacağı istisna olunmur. Havanın temperaturu günorta 15-20, dağlıq ərazilərdə isə 5-8 dərəcə isti olacaq”.

Qeyri-sabit hava şəraitinin martın 25-nə kimi davam edəcəyi gözlənilir.

Gununsesi.info