Dövlət Neft Fondunun (ARDNF) 2017-ci il büdcəsinin icrası çərçivəsində 1 mlrd. 525,0 milyon manat vəsait dövlət büdcəsinə transfert edib.
Gununsesi.info xəbər verir ki, bu haqda ARDNF-nin prezidenti Şahmar Mövsümov qeyd edib. Digər xərcləri isə belə olub:
– Qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üzrə tədbirlərin həyata keçirilməsinə 27,8 milyon manat,
-Samur-Abşeron suvarma sisteminin yenidən qurulmasına 8,5 milyon manat,
– Bakı-Tbilisi-Qars yeni dəmir yolu layihəsinin maliyyələşdirilməsinə 1,3 milyon manat vəsait ayrılıb.
– 2,0 milyon manat vəsait “2007-2015-ci illərdə Azərbaycan gənclərinin xarici ölkələrdə təhsili üzrə Dövlət Proqramı”nın maliyyələşdirilməsinə yönəldilib.
– Makroiqtisadi sabitliyin təmin edilməsi məqsədi ilə 2 279,0 milyon manat Azərbaycan Respublikasının Mərkəzi Bankına transfert edilib.
– 2017-ci ilin yanvar-mart ayları ərzində ARDNF-nin idarə edilməsi ilə bağlı xərcləri 3,9 milyon manat təşkil edib.
Ş.Mövsümov bildirdi ki, Fondun büdcəsində Mərkəzi Banka transfertin maksimum limiti 7.4 milyadr manatdır: “Lakin bügünkü proqnozlarımız deməyə əsas verir ki, bu, tam icra olunmayacaq. Amma transferin nə qədər olacağına, hələ ki dəqiq deyə bilmərəm”.
Vüsalə Rüstəmova
Gununsesi.info
