Neft şirkətləri OPEC-lə anlaşmanı DAYANDIRMAQ İSTƏYİR

  • By admin
  • 10 Yanvar 2018 16:12

Azərbaycan Neft İxrac Edən Ölkələr Təşkilatı (OPEC) qarşısında götürdüyü öhdəliyi yerinə yetirib.

Gununsesi.info Energetika Nazirliyinə istinadən xəbər verir ki, OPEC-ə üzv və kartelə daxil olmayan ölkələrlə əldə edilən neft hasilatının azaldılmasına dair Vyana sazişi üzrə öhdəliyini 2017-ci ilin dekabr ayında da yerinə yetirib.

Energetika Nazirliyi məlumat verir ki, ötən ilin dekabr ayı ərzində respublika üzrə gündəlik neft hasilatı 810 min barrel olub. Bunun 755,1 min barrelini xam neft, 54,9 min barrelini isə kondensat təşkil edib. Gündəlik 649,4 min barrel xam neft, 54,9 min barrel kondensat, 20,1 min barrel isə neft məhsulları ixrac edilib.

Qeyd edək ki, respublika üzrə gündəlik neft hasilatı aylar üzrə belə olub:

  • yanvar ayında 793,9 min barrel,
  • fevralda 776,4 min barrel,
  • martda 733,3 min barrel,
  • apreldə 781,1 min barrel,
  • mayda 785,3 min barrel,
  • iyunda 793,7 min barrel,
  • iyulda 796,7 min barrel,
  • avqustda 734,8 min barrel,
  • sentyabrda 785,7 min barrel,
  • oktyabrda 800,6 min barrel,
  • oyabrda isə 790,7 min barel
  • dekabr  810 min barrel

Xatırladaq ki, ötən il noyabrın 30-da OPEC üzrə gündəlik neft hasilatının 1,2 milyon barrel azaldılaraq 32,5 milyon barrelə endirilməsi barədə razılıq əldə olunub. Dekabrın 10-da isə Vyanada OPEC üzvləri ilə təşkilata daxil olmayan 11 ölkə, o cümlədən Azərbaycan ümumi hasilatın sutkada 558 min barrel azaldılması barədə sazişə imza atıb. 25 may 2017-ci il tarixində OPEC Nazirlər Şurasının 172-ci iclası çərçivəsində Neft İxrac Edən Ölkələr Təşkilatına (OPEC) üzv və qeyri-üzv dövlətlər arasında neft hasilatının azaldılmasına dair sazişin müddətinin 2018-ci ilin birinci rübünün sonunadək uzadılması barədə razılıq əldə olunub. Ötən ilin 30 noyabrında isə OPEC Nazirlər Şurasının 173-cü iclası çərçivəsində Neft İxrac Edən Ölkələr Təşkilatına (OPEC) üzv və kartelə daxil olmayan dövlətlərin nazirlərinin üçüncü görüşündə neft hasilatının azaldılmasına dair sazişin müddətinin 2018-ci ilin sonuna kimi uzadılması ilə bağlı qərar qəbul olunub. OPEC və qeyri-OPEC ölkələrinin bu yeni razılaşmasına  Azərbaycan da qoşulub. Lakin bəzi qeyri-OPEC ölkələrİ bu razılaşmaya qoşulmaqdan imtina edib. Bunlarin arasında Braziliya var.  “Lukoyl” şirkəti isə bəyan edib ki, neftin qiyməti 65 dollar arasından sabitləşərsə, anlaşmanı dayandıra bilər.

Vüsalə

Gununsesi.info