Britaniya kəşfiyyatı Rusiyanın ilhaq olunmuş Krımın Balaklava bölgəsindəki yeni buraxılış meydançasından “Şahed” tipli pilotsuz təyyarələrin buraxılışını təhlil edib.
Gununsesi.info xəbər verir ki, bu barədə Britaniya departamentinin dekabrın 13-də kəşfiyyat icmalında deyilir.
Kəşfiyyat məlumatlarına görə, Rusiya həm öz qüvvələrini qorumaq, həm də Ukraynanın hava hücumundan müdafiə səylərini çətinləşdirmək üçün çox güman ki, PUA-nın buraxılış imkanlarını bir neçə yerə yayır.
Analitiklər qeyd edirlər ki, Rusiya Kiyevi sistemlərin yeni tranzit dəhlizlərinə uyğunlaşmağa məcbur etmək üçün Ukraynanın dron hücumlarına cavab olaraq əlavə buraxılış məntəqələrindən istifadə edəcək.
Bildirilib ki, dekabrın 13-nə keçən gecə ruslar ilhaq olunmuş Krımın Balaklava ərazisindən buraxılan 10 “Şahed” tipli pilotsuz təyyarə ilə Ukraynaya hücum edib. Demək olar ki, bütün PUA-lar Odessa bölgəsində – Cənub Hava Komandanlığının məsuliyyəti zonasında vurulub.
Bundan əvvəl Britaniya kəşfiyyatı bildirib ki, gecəgörmə cihazları və pilotsuz təyyarələr üçün xüsusi kameralar çatışmazlığı səbəbindən Rusiya hərbçilərinin gecə vaxtı döyüş əməliyyatları aparmaqda problemləri var.
Bundan əvvəl Britaniya Müdafiə Nazirliyinin kəşfiyyat icması Avdiivka yaxınlığında döyüşlər zamanı Ukrayna Silahlı Qüvvələrinin uğurlu yerli əks-hücumlarından danışıb.
Gununsesi.info
