Norveç Ukraynaya humanitar yardım üçün 1 milyard kron (təxminən 92 milyon dollar) ayıracaq.
Gununsesi.info xəbər verir ki, Norveç hökumətinin mətbuat xidməti məlumat yayıb.
Məlumata görə, vəsaitlər ən həssas insanlara, uşaqlara, qaçqınlara və məcburi köçkünlərə mənzil, qida, su, təhsil, sağlamlıq və psixososial dəstək, habelə cinsi və gender əsaslı zorakılıqdan qorunmaq imkanı daxil olmaqla yardım göstərmək üçün istifadə olunacaq.
Maliyyələşdirmə Ukraynaya Nansen dəstək proqramının bir hissəsi kimi verilir.
Yardım BMT və Qırmızı Xaç tərəfindən Ukrayna üçün yaradılmış mövcud proqramlar vasitəsilə bölüşdürüləcək.
Səid Əhmədli
Gununsesi.info
