Norveçdə mal və xidmətlərin qiymətləri son bir ildə orta hesabla 6,3% artıb ki, bu da 1988-ci ildən bəri ən yüksək göstəricidir.
Gununsesi.info xəbər verir ki, bu barədə Norveç Mərkəzi Statistika Bürosu məlumat yayıb.
Mərkəzi Statistika Bürosunun sözçüsü Espen Kristiansen qeyd edib ki, iyun ayında yanacaq və ərzaq qiymətlərinin artması illik inflyasiyanın daha da sürətlənməsinə səbəb olub. Belə ki, təkcə son bir ayda ərzaq məhsulları 2 faiz bahalaşıb. “Bu qiymət səviyyəsi qeyri-adi dərəcədə yüksəkdir”, – deyə o bildirib.
Bundan əvvəl “Eurostat” bildirmişdi ki, iyun ayında avrozonada ərzaq, tütün və alkoqolun qiymətlərində artım rekord həddə – 8,9 faizə qədər bahalaşıb.
Gununsesi.info
