Ukraynanı silahla təmin etmək NATO ilə Rusiya arasında potensial münaqişə ehtimalını artırır ki, bu da öz növbəsində nüvə müharibəsinə çevrilə bilər. Bu isə “hamı üçün fəlakətli ssenari” olar.
Gununsesi.info xəbər verir ki, bu sözləri Rusiya Federasiyası Təhlükəsizlik Şurası rəhbərinin müavini Dmitri Medvedev bildirib.
“NATO ölkələrinin Ukraynaya silah göndərməsi, onun qoşunlarının Qərb texnikasından istifadəyə öyrədilməsi, muzdluların göndərilməsi və alyans ölkələrinin bizim sərhədlərimizə yaxın təlimlər keçirməsi NATO arasında birbaşa və açıq münaqişə ehtimalını artırır. Belə bir münaqişənin həmişə tamhüquqlu nüvə müharibəsinə çevrilmə riski var. Bu, hamı üçün fəlakətli ssenari olardı”, – deyə Medvedev qeyd edib.
O vurğulayıb ki, xarici analitiklərin NATO-nun Rusiya ilə müharibəsi ilə bağlı bitib-tükənməyən söhbətləri səngimir, “üstəlik, Qərbin “danışan başçılarının” kinsizliyi getdikcə daha açıq ifadə olunur”.
Medvedev bütün gücləri ilə Moskvanın guya dünyanı nüvə münaqişəsi ilə qorxutduğu tezisini gündəmə gətirməyə çalışdıqlarına diqqət çəkib: “Hətta ABŞ-ın keçmiş Prezidenti Donald Tramp bu yaxınlarda bununla məşğul oldu. Düzdür, əlbəttə ki, yalnız Prezident Co Baydenə küskün olduğu üçün. Və təbii ki, avropalılar öz cılız səsləri ilə cızıltılar səsləndirirlər”.
Gununsesi.info
