Nyu-York meri Bill de Blasio öz qərargahında müsəlman icmasının nümayəndələrinə iftar yeməyi verib.
Gununsesi.info xarici mətbuata istinadən xəbər verir ki, meriyanın rəsmi qərargahı Qreys Mansionun həyətinə qurulan iftar çadırında müsəlmanlar əvvəlcə axşam namazı qılıb, sonra iftarlarını açıblar.
Blasio hər il keçirdikləri proqramlarının ən gözəllərindən birinin də məhz verdikləri iftar yeməyi olduğunu bildirib. Prezident Trampın islamafob və irqçi çıxışlarını tənqid edən Blasio Nyu-Yorkun və ABŞ-ın əslində müsəlmanları təcrid edən bir yer olmadığını deyib.
“Bu gecə Nyu-Yorkdakı müsəlmanlara mesajım: özünüzü təhlükəsizlikdə hiss edin. Çünki sevilir, hörmət edilir və qorunursunuz” – mer belə deyib.
